Home » » TRADISI MAULUDAN ING KALIWUNGU

TRADISI MAULUDAN ING KALIWUNGU

Written By Blog'e Mbah Djamal on Selasa, 09 Maret 2010 | 11.30

Ing kutha Kecamatan Kaliwungu Kabupaten Kendal ana sawijining tradisi sing wis mlaku turun-tumurun wiwit biyen kuna makuna nganti saiki isih terus dilaksanakake. Yaiku tradisi wewehan ing wulan Maulud utawa luwih kondhang kaaran tradisi Mauludan ing bebrayan agung.
Kapan persise mulaine ana tradisi wewehan ing wulan Maulud utawa Mauludan, lan sapa sing mulai nganakake tradisi Mauludan mau,nganti saiki durung anasing ngerti.Yen kepengin ngerti mula wigati banget anane paniliten sejarah asal usul anane tradisi Mauludan kasebut,asile paniliten ditulis awujud buku.
Wewehan dilakasanakake saben malem tanggal 12 Maulud minangka pengetan laire Nabi Muhammad SAW. Uga ana sing nglaksanakae wayah sore kira-kira tabuh kaping lima.
Dene barang utawa jajanan sing digawe wewehan yaiku umume jajanan tradisionil khas Kaliwungu kaya ta sumpil, klepon, jongkong lan liya-liyane.
Kajaba kuwi saben rong taun pisan dianakake lomba berzanji, rebana, maca puisi, busana muslim. Pelakasanaane di pusatake ana ing alun-alun Masjid Al Muttaqin Kaliwungu,kang diarani pekan Maulud Minangka pambuka dianakake karnaval keliling kutha.
Kabeh mau dianakake kanthi tujuan kajaba mengeti laire Nabi Muhammad SAW, uga kanggo ningkatake kreatifitas para mudha taruna lan nuwuhake rasa welas asih.

Kaliwungu 26 Februari 2010

Djamal Abdul Nasir
Share this article :

0 komentar:

Posting Komentar



 
Support : Your Link | Your Link | Your Link
Copyright © 2013. SMP N 2 KALIWUNGU - All Rights Reserved
Template Created by Creating Website Modified by CaraGampang.Com
Proudly powered by Blogger